Յոդոկ Ֆինկ

Արտաքին պատկերներ
	Յոդոկ Ֆինկը Ավստրիայի նամականիշերին

	Յոդոկ Ֆինկ
Կուսակցություն՝	Քրիստոնեա-սոցիալական կուսակցություն
Մասնագիտություն՝	քաղաքական գործիչ և ագարակապան
Ծննդյան օր	փետրվարի 19, 1853
Ծննդավայր	Andelsbuch, Բրեգենց, Ֆորարլբերգ, Ավստրիա
Վախճանի օր	հուլիսի 1, 1929 (76 տարեկան)
Վախճանի վայր	Andelsbuch, Բրեգենց, Ֆորարլբերգ, Ավստրիա
Քաղաքացիություն	Ավստրիա
Պարգևներ	և Ինսբրուքի համալսարանի պատվավոր դոկտոր
Jodok Fink

Յոդոկ Ֆինկ (գերմ.՝ Jodok Fink, փետրվարի 19, 1853(1853-02-19)^[1], Andelsbuch, Բրեգենց, Ֆորարլբերգ, Ավստրիա - հուլիսի 1, 1929(1929-07-01)^[1], Andelsbuch, Բրեգենց, Ֆորարլբերգ, Ավստրիա), ավստրիացի ֆերմեր, քաղաքական ու հասարակական գործիչ, Ավստրիայի առաջին փոխկանցլեր^[2]։

Կենսագրություն

Ծնվել է 1853 թվականի փետրվարի 19-ին Անդելսբուխում, գյուղական ընտանիքում։ Եղել է ընտանիքի 9-րդ երեխան։ Իրենից մեծ բոլոր քույրերն ու եղբայրները մահացել են, և միայն ինքն ու կրտսեր եղբայր Ալոիզն են հասել չափահասության տարիքին։ Նրա հայրը մահացել է, երբ Յոդոկը եղել է չորս տարեկան։ Մայրը կրկին ամուսնացել է, երբ տղան եղել է տասը տարեկան։

15 տարեկանում Ֆինկը սովորել է Բրիքսենի գիմնազիայում, սակայն չնայած լավ գնահատականներին՝ շուտող թողել է ուսումը, քանի որ անհրաժեշտ էր աշխատել ծնողների մեծ տնտեսությունում։

Իր քաղաքական կարիերան Ֆինկը սկսել է 1879 թվականին, երբ Անդելսբուխում ընտրվել է քաղաքային խորհրդի (Gemeindeausschuss) անդամ, իսկ 1888-1897 թվականներին զբաղեցրել է համայնքի ղեկավարի պաշտոնը։ 1890 թվականին նա միացել է Ֆորարլբերգի երկրամասի համաժողովին, իսկ 1893 թվականին դարձել նոր հիմնադրված Քրիստոնեա-սոցիալական կուսակցության անդամ։ 1897 թվականին Յոդոկ Ֆինկն ընտրվել է Ավստրիայի կայսերական խորհրդի անդամ։

Քաղաքական ու պետական գործունեության հետ միաժամանակ Ֆինկը եղել է առաջադեմ ֆերմեր․ 1888 թվականին նա Անդելսբուխում հիմնել է Անդելսբուխ անասնաբուծական կոոպերատիվը, ինչպես նաև հիմնադրել է այգի՝ պտղատու ծառերով, հացահատիկային բույսերի արհեստական մարգագետնով։ 1890 թվականին նա աշխատել է «Katholisch-Konservativen Kasino für Egg und Umgebung» ընկերությունում՝ դառնալով կառավարման անդամ, ապա գլխավորելով այն։ Յոդոկը դասախոսություններ է կարդացել մրգեր աճեցնելու ժամանակակից եղանակների թեմայով, իսկ 1928 թվականին իր որդու՝ Անտոնի (1890-1966) հետ հիմնադրել է «Ալմա» կոոպերատիվը։

Ավստրո-հունգարական կայսրության անկման ժամանակ՝ Առաջին համաշխարհային պատերազմի ավարտին, Ֆինկը 1918 թվականի հոկտեմբերի 21-ին ընտրվել է գերմանա-ավստրիական ժամանակավոր ազգային հավաքի (Provisorische Nationalversammlung für Deutschösterreich) երեք իրավահավասար նախագահներից մեկը Գերմանական Ավստրիայում։ Ավստրիայում Սահմանադրական ժողովի ընտրություններից հետո 1919 թվականի մարտի 5-ին Ֆինկը կարողացել է ձևավորել կոալիցիոն կառավարություն մեծամասնություն կազմող Ավստրիայի սոցիալ-դեմոկրատական կուսակցության հետ, որը ղեկավարում էր Կառլ Ռենները։

Երբ 1920 թվականի հուլիսի 7-ին կոալիցիոն կառավարությունը լուծարվել է, 1920 թվականի հոկտեմբերի 17-ի խորհրդարանական ընտրություններից հետո Միխաել Մայերը ձևավորել է փոքրամասնության նոր կառավարություն, որը սատարում էր Մեծ Գերմանիայի ազգային կուսակցությանը՝ փոխարինելով Յոդոկ Ֆինկին։ Ինքը Ֆինկը այլևս չի զբաղեցրել պետական պաշտոններ, սակայն մնացել է քաղաքականության մեջ։

Մահացել է 1929 թվականի հուլիսի 1-ին Անդելսբուխում։ Նրա տապանաքարի հեղինակը ճարտարապետ Ալֆոնս Ֆրիցն է, որը նույնպես եղել է Անդելսբուխից։

Ընտանիք

1886 թվականին Յոդոկ Ֆինկն ամուսնացել է Մարիա Կատարինա Մոյսբուրգերի (Maria Katharina Meusburger) հետ, որ վեց տարով փոքր էր նրանից։ Ամուսնությունից ծնվել են 12 երեխաներ, որոնցից հինգը մահացել է վաղ տարիքում։

Ծառայություններ

Ծառայության ոսկե նշան թագով (1900)
Բիզաուի պատվավոր քաղաքացի (1904), Անդելսբուխի պատվավոր քաղաքացի (1913), Ինսբրուքի համալսարանի պատվավոր դոկտոր (1925)
III կարգի Երկաթի թագի օրդեն (1906), Ֆրանց Իոսիֆի օրդեն (Կոմանդորի խաչ, 1913 և Կոմանդորի խաչ աստղով, 1917)